काठमाडौ। बलिउडकी हक्की अनि हट अभिनेत्री करिना कपुरलाई पुत्रलाभ भएको छ। मंगलवार विहान ७.३० बजे मुम्बईको ब्रीच केन्डी अस्पतालमा करिनाले पुत्रलाई जन्म दिएकी हुन्।

चार बर्षअघि बलिउड अभिनेता सैफ अली खानसँग विवाह गरेकी करिना पुत्रलाभवाट अत्यन्त खुशी बनेको भारतीय समाचार माध्यमहरुले जनाएको छ। करिना पति अभिनेता सैफले छोरा र आमा दुवैको स्वास्थ्य अत्यन्त राम्रो रहेको भनेका छन्। सैफले छोराको नाम तैमुर खान अली पटौदी राखेको समेत भनेका छन्।

करिनाको पहिलो सन्तान भएतापनि सैफको भने यो तेश्रो सन्तान भएको भारतीय समाचार माध्यमले जनाएको छ। सैफको पहिलो पत्नी अमृता सेनको तर्फवाट एक छोरा र एक छोरी छन्। अमृतासँगको डिभोर्स पश्चात सैफले करिनासँग प्रेम विवाह गरेका हुन्।
प्रकाशन मिति–२०७३ साल पुष ५ गते मंगलवार ।