अमेरिका जाने डि.भी.को आवेदन भर्ने असोज १८ गते मंगलवारवाट खुल्ला–कात्तिक २२ गतेसम्म मात्र म्याद

0
2815

काठमाडौ। यो बर्षको लागि सन् २०१८ सालको अमेरिकी इलेक्ट्रोनिक्स डाइभरर्सिटी भिसा (डीभी) कार्यक्रमको आवेदन असोज १८ गते तदानुसार अक्टोबर ४ तारिख मंगलवारवाट खुल्ला गरिने भएको छ । नेपालको स्थानिय समयअनुसार राति ९ः४५ बजेवाट आवेदन दर्ता खुल्ला गरिने भएको छ । काठमाडौं स्थित नेपालका लागि अमेरिकी दूतावासले जनाएको सूचना अनुसार डीभीको लागि आवेदन भर्ने म्याद कात्तिक २२ गते नेपाली समयअनुसार राति १०ः४५ बजे बन्द हुनेछ।

dv-lottery-1 डीभी भर्नको लागि कुनैपनि प्रकारको शुल्क नलाग्ने दूतावासले भनेको छ। अमेरिकी दूतावासले आवेदन भर्दा कन्सल्टेन्टको सहयोग नलिन सल्लाह दिएको छ। आवेदनसम्बन्धी सहयोग चाहिएमा परिवारको सदस्य, साथी वा अन्य विश्‍वासिलो व्यक्तिको सहयोग लिनेतर्फ विचार गर्नुहोला । सहयोग जसले उपलब्ध गराए तापनि आफ्नो आवेदनका लागि तपाईँ स्वयम् जिम्मेवार रहनुहुनेछ, अमेरिकी दूताबासले विज्ञप्ती जारी गर्दलै भनेको छ।

डि.भी. भर्ने तरीका
सन् २०१८ को डाइभर्सिटी भिसा चिट्ठाका लागि आवेदकहरूले दर्ता अवधिमा www.dvlottery.state.gov मा गई इलेक्ट्रोनिक डाइभर्सिटी भिसा (ई-डि.भी.) आवेदन फारम भर्नु पर्नेछ। दर्ता गर्दा आफ्ना पति/पत्‍नी र आवेदनको समयमा २१ वर्ष नपुगेका सबै अविवाहित सन्तानलाई सूचिकृत गर्नु अनिवार्य छ । उनीहरूलाई समावेश नगरी पेश गरिएको आवेदन अमान्य ठहरिनेछ।

तपाईँले एउटा मात्र आवेदन बुझाउनु पर्नेछ । एकभन्दा बढी आवेदन बुझाउने आवेदकहरू चिट्ठाका लागि अयोग्य ठहरिनेछन्। अघिल्लो वर्षको डि.भी. आवेदनमा प्रयोग गरिएको फोटो यस वर्षको आवेदनमा प्रयोग गर्न मिल्दैन। फोटोसम्बन्धी नियमहरू कडाइका साथ पालना गर्नु पर्नेछ र प्रत्येक फोटो आफ्नो आवेदनमा समावेश भएका सही व्यक्तिहरूसँग मेल खाने गरी पेश गर्नु पर्नेछ।

र, फोटो खिच्दा आवेदकहरूले चश्मा लगाउनु हुँदैन। डिभी भरेपछि आफ्नो कन्फर्मेसन नम्बरलाई सेभ वा प्रिन्ट गरेर राख्नुपर्नेछ । किनकी यो नम्बर नै स्टेटस चेक गर्ने एक मात्र तरिका हो। डि.भी. का लागि छनोटमा पर्नुभयो कि भएन भनी निर्धारण गर्ने एउटा मात्र विधि भनेको मङ्गलबार, मे २, २०१७ (२०७४ वैशाख १९) वा त्यसपछि www.dvlottery.state.gov मा गई आफ्नो कन्फर्मेसन नम्बर प्रवेश गर्नु हो, दूताबासले भनेको छ।

dv-lotteryप्रकाशन मिति–२०७३ साल असोज १२ गते बुधवार ।