अमेरिकी सेयर मूल्यमा एक दशकअघिको आर्थिक संकटपछिको सबैभन्दा ठूलो गिरावट–नेपाल र भारतमा समेत प्रभाव

0
910

काठमाडौ। विश्वको अत्यन्त बैभवशाली मुलुक अमेरिकाको अमेरिकी सेयर मूल्यमा एक दशकअघिको आर्थिक संकटपछिको सबैभन्दा ठूलो गिरावट आएको छ।

सोमबारको कारोबारमा सेयर मूल्यमा एकैदिन ११ सय ७५ अंकको गिरावट आएको हो । ४.६ प्रतिशतको गिरावटसहित अमेरिकी सेयरबजार ‘डाऊ जोन्स’ बन्द भएको थियो। सेयरको मूल्य बढ्ने अनुमान गरिएकाबेला महिनौंदेखि बजारमा भएको वृद्धिपछि यो गिरावट आएको हो।

अमेरिकी सेयर मूल्यमा आएको गिरावटको प्रभाव युरोपेली र एसियाली सेयर बजारहरुमा पनि परेको छ । गत शुक्रबार अमेरिकी श्रम मन्त्रालयले सार्वजनिक गरेको रोजगारीको संख्यामा अपेक्षा गरिएभन्दा बढी तलब वृद्धि हुने देखाइएको थियो । त्यसपछि कम मूल्यमा सेयर बिक्री बढेको हो।

अमेरिकी राष्ट्रपतिको कार्यालय ह्वाइट हाउसका एकजना प्रवक्ताले राष्ट्रपति डोनाल्ड ट्रम्पले देशको दीर्घकालीन आर्थिक अवस्थामा ध्यानकेन्द्रित गरेको र यो अपवादकोरूपमा बलियो रहेको जनाएका छन्। अमेरिकामा सन् २००८ को आर्थिक संकटकाबेला ७७७.६८ अंकले सेयर मूल्यमा गिरावट आएको थियो । यता, मंगलबार भारतीय तथा नेपाली सेयरबजार पनि प्रभावित भएको छ ।

(समाचार एजेन्सीको सहयोगमा)
प्रकाशन मिति–२०७४ साल माघ २३ गते मंगलवार ।