वास्तु विद्याका विशिष्ट ज्ञाता विश्वकर्मा तथा वास्तु दिवस–कालिगढहरुवाट विश्वकर्माको पूजाआजा

0
196

काठमाडौं। आज आश्विन सङ्क्रान्तिका दिन विश्वकर्मा दिवस। कालीगढले विश्वकर्माको पूजाआजा गरी विश्वकर्मा दिवस मनाउने कार्य भएको छ।

द्वापर युगमा भगवान् श्रीकृष्णलाई राक्षसले दुःख दिएपछि विश्वकर्माले समुद्रको बीचमा ‘भेद द्वारका’ बनाइ लुकाएको धार्मिक विश्वास छ। एकै रातमा समुद्रको बीचमा ‘भेद द्वारका’ को निर्माण गरेकाले विश्वकर्मालाई सफल वास्तुविद्का रुपमा मानी त्यसै समयदेखि पूजाआजा गर्ने परम्परा बसेको धार्मिक कथन रहेको छ।

प्राचीन भारत वर्षका चारदिशाका रक्षक देवतामध्ये द्वारकालाई पश्चिम दिशाको रक्षकका रुपमा समेत मानिन्छ। विश्वकर्माले निर्माण गरेको ‘भेद द्वारका’ अहिले पनि भारतको गुजरात राज्यमा समुद्रको बीचमा रहेको विश्वास गरिन्छ। विश्वकर्मालाई वास्तु विद्याका विशिष्ट ज्ञाताका रुपमा समेत मानिन्छ।

यही सम्झनामा नेपालका कालीगढले आज भव्यरुपमा विश्वकर्मा बाबाको पूजा गरी उनको विद्वताको सम्मान गर्ने र यसो गरेमा आफूमा पनि विश्वकर्माको गुण प्राप्त हुने विश्वासका साथ पूजा गर्ने गर्दछन्। आजको दिनलाई वास्तुविद्ले वास्तु दिवसका रुपमा समेत मनाउने गरेका छन्। वास्तु मिलाएर कार्य गरेमा शुभ नै शुभ हुने विश्वास रहेको छ।
प्रकाशन मिति–२०७५ साल असोज १ गते सोमवार ।