विप्लब समूहको गतिविधिलाई नेपाल सरकारले नियन्त्रण गर्ने

0
87

काठमाडौँ। नेपाल सरकारले नेत्रविक्रम चन्द विप्लब नेतृत्वको नेपाल कम्युनिष्ट पार्टीको गतिविधिलाई नियन्त्रण गर्ने भएको छ।

प्रधानमन्त्री निवास बालुवाटारमा आज मंगलवार साँझ बसेको मन्त्रिपरिषद् बैठकले उक्त पार्टीले राजनीतिक चरित्र गुमाउँदै गएको निष्कर्ष निकाल्दै नियन्त्रण गर्ने निर्णय गरेको हो।

सरकारले आह्वान गर्दा पनि सो समूह वार्तामा नआएको र विकासनिर्माणमा अवरोध पु-याउनाका साथै विस्फोटन गराएकाले त्यसको गतिविधि नियन्त्रण गर्ने अवस्था आएको प्रधानमन्त्री कार्यालयको उच्चस्रोतले जनाइएको छ।

उक्त समूहको गतिविधि आपराधिक भएको निष्कर्ष निकाल्दै उसको गतिविधि निषेध गर्ने निर्णय गरिएको बताइएको छ।
प्रकाशन मिति–२०७५ साल फागुन २८ गते मंगलवार ।