-
काठमाडौ। अमेरिकाको मेरिल्याण्ड राज्यमा पहिलो पल्ट नेपाल–अमेरिका इन्टरनेशनल फिल्म फेस्टिबल भएको छ। नेपाली तथा अमेरिकी चलचित्रको बृहत फेस्टिबलको रुपमा त्यहाँ आयोजना भएको हो।
-
जसको उदघाटन अमेरिकाका लागि नेपाली राजदूत डा.अर्जुन कुमार कार्कीवाट भएको मेरिल्याण्डमा नेपालका ख्यातिप्राप्त फोटोग्राफर राजीव श्रेष्ठले भिजन संसारलाई जानकारी दिएका छन्।
-
१८ देखि २० मे सम्म आयोजित यस फिल्म फेस्टिबलमा नेपाल तथा अमेरिकाका उत्कृष्ट फिल्म प्रदर्शन गरिएको छ। साथमा विभिन्न डकुमेन्ट्री फिल्म तथा सटमुबीहरु पनि प्रदर्शन गरिएको फोटोग्राफर श्रेष्ठले भनेका छन्।
अमेरिकामा रहेका नेपालीहरुको बृहत सहभागिता रहेको यस फेस्टिबलमा अमेरिकीहरुले पनि अत्यन्त अभिरुचिपूर्वक हेरेको जानकारी फेस्टिबलको मेनेजिङ डाइरेक्टर समेत रहेकी ख्यातिप्राप्त नेपाली मोडल रिमा केसीले जानकारी दिएकी छन्।
प्रकाशन मिति–२०७५ साल जेठ ६ गते आइतवार ।
