काठमाडौ। नयाँ नेपाली चलचित्र दीपज्योतिको शुभमुहर्त कार्य सम्पन्न भएको छ। काठमाडौमा शनिबार आयोजित कार्यक्रममा नेपालका उद्योग राज्यमन्त्री मेघराज नेपाली (निषाद)ले दीप प्रज्वलन गरेर चलचित्रको शुभारम्भ गरका थिए । मिरा बाँनियाक्षेत्री खड्काले क्यामराको स्वीचअन,चलचित्र बिकास बोर्डका सदस्य उत्तम केसीले क्लाप र दीपेन्द्र कोइरालाले नरिवल फुटाएका थिए भने मुर्हत सटको निर्देशन निर्देशक राजु अर्यालले गरेका थिए।

कलाकार प्रमोद दीप, दीपेन्द्र कोइराला, प्रज्ज्वल गिरी ,कसिस दाहालले मुर्हत सटमा अभिनय गरेका थिए । एनपि फिल्मस् प्रोडक्सनको छैटौ प्रस्तुतिमा अनिस कुमार मैनाली प्रस्तुतकर्ता रहेको चलचित्र ‘दीपज्योतिमा निर्माता दीपेन्द्र कोईराला, मिरा बाँनीयाक्षेत्री खड्का, सहनिर्माता बसरुदिन अन्सारी रहेका छन् ।

त्रिकोणत्मक प्रेमकथामा आधारित चलचित्र ‘दीपज्योति’ले सडक बालबालिकाले पनि देश र समाजका लागि महत्वपुर्ण भूमिका निर्बाह गर्न सक्छन् भन्ने बिषय कथामा उठाउन खोजेको निर्माण पक्षले भनेको छ। निर्देशन राजु अर्यालले गर्ने भएका छन्। चलचित्र दीपज्योतिको छायाँकन यही साउन ५ गतेवाट हुने भनिएको छ। ।
प्रकाशन मिति–२०७३ साल साउन २ गते आइतवार ।