काठमाडौ। नेपाली पप तथा आधुनिक संगीतमा अत्याधुनिकतासंगै हरर्र गीत गायन पनि शुरुवात भएको छ। हालसम्म नेपालमा नेपाली हरर्र यानी डरलाग्दो भूतको शैलीको गीत नभएको अवस्थामा गायक समिर हमालले त्यो शैलीको गीत नेपालीमा एक दशक अगाडि नै विकास गरेको हो।
संभवत नेपालको पहिलो हरर्र गायकको रुपमा देखा परेका गायक हमालले गाएको हरर्र गीतको बोल नै माया गर्छु म रहेको छ। एक दशक अगाडि नै गाएको यो गीतको म्युजिक भिडियो बनाउने हाल तयारीमा आफू रहेको गायक हमालले भिजन संसारलाई भनेका छन्।
चुपचाप गीत गायनमा विगत डेढ दशक अगाडिवाट क्रियाशील हुंदै आएका गायक हमालको पछिल्लो एल्बम थर्ड मन्त्रले विश्वलाई नै चकित बनाएको छ। मन्त्रमा आधारित संगीतको सिर्जना गरेर नयाँ आयाम थपेका गायक हमालको थर्ड मन्त्रले नेपाली तथा विदेशी सवैलाई आकर्षित बनाएको थियो।
संगीतमा हरपल नयाँपन तथा नयाँ कुराको सिर्जना गर्न रुचाउने गायक हमालको यही बानीको कारण सवैको प्रिय बन्दैगएका छन्। विस्तारै स्लो मोसनमा अगाडि बढ्दैआएका हमालका अन्य हिट गीतहरुमा वितिजाने, यो स्वार्थी, सपनाहरु, तिमीलाई माया लगायतका गीतहरु रहेका छन्।
