विश्वकप फुटबलको २१ औं संस्करण रुसमा भव्य सुरुवात–पहिलो खेलमा रुस र साउदी अरेबियाको भिडन्त
ByShyam Smrit
Jun 14, 2018
काठमाडौ। विश्वले उत्साहले हेरिरहेको विश्वकप फुटबल प्रतियोगिताको २१औं संस्करण आजबाट रुसमा भव्य रुपमा सुरुवात हुने भएको छ। नेपाली समयअनुसार आज विहीवार वेलुकी सवा ८ बजे रुसको राजधानी मस्कोस्थित लुजिन्स्की रंगशालामा भव्य उद्घाटन समारोहको आयोजना हुने भएको हो।
उद्घाटन समारोहमा बेलायती गायक रोबी विलियम्स, रुसी गायिका सोप्रानोलगायतले मनमोहक सांगीतिक प्रस्तुति दिने भएका छन्। जसमा ५ सयभन्दा बढी डान्सर र जिमन्यास्टहरूले लोभलाग्दो कला देखाउने भएका छन्। विश्वकप सुरु हुनै लाग्दा मस्कोमा सुरक्षा व्यवस्था अत्यन्तै कडा पारिएको छ।
विश्वभर हुल्याहा समर्थकको छबी बनाएका रुसी समर्थकहरुलाई नियन्त्रण गर्नु रुसी आयोजकको मुख्य चुनौती हुनेछ। त्यसबाहेक पछिल्लो समय युरोपका भिडभाडयुक्त ठाँउलाई निशाना बनाउदै आएका आतंकवादी संभावित आक्रमण निस्तेज पार्नु रुसी सुरक्षा संयन्त्रको अर्को मुख्य चुनौती हुनेछ।
