काठमाडौं। हिन्दी फिल्मका ख्यातिप्राप्त अभिनेता शाहरुख खान र अभिनेत्री ऐश्वर्या राय एशियाका प्रभावशाली व्यक्तिको सूचीमा परेका छन्।
चर्चित म्यागजिन ‘एशियन जियोग्राफिक’ले सार्वजनिक गरेको एशियाका १ सय प्रभावशाली व्यक्तिमा बलिउडबाट शाहरुख र ऐश्वर्यालाई चयन गरेको हो।
शाहरुख र ऐश्वर्याको नाम म्यागजिनको ‘एस्टोनिशिङ्ग एसियन्स’ समूहमा पर्न सफल भएको छ। शाहरुख अहिले फिल्म जिरोको प्रमोशनमा व्यस्त छन् भने ऐश्वर्या चाँडै प्रदर्शनमा आउन लागेको अक्षय र रजनीकान्तको फिल्म २.० मा देखिंदै छिन्।
त्यस्तै, प्रभावशाली व्यक्तिको सूचीमा भारतबाट क्रिकेटर सचिन तेन्दुलकर, अर्बपति मुकेश अम्बानी लगायत पनि परेको भारतीय सञ्चारमाध्यमले जनाएको छ।
