काठमाडौ। नेपालका प्रधानमन्त्री पुष्पकमल दाहालसँग नेपालका लागि बेलायतका राजदूत रिजार्च मोरिस र बेलायतको अन्तर्राष्ट्रिय विकास विभाग (डिएफआइडी)का नेपालस्थित कार्यालयका प्रमुख गेइल मार्जेटीले भेटवार्ता गरेका छन् । शुक्रबार बिहान प्रधानमन्त्री दाहालको निजी निवास लाजिम्पाटमा भएको भेटवार्तामा राजदूत मोरिसले नेपालको प्रधानमन्त्रीमा निर्वाचित भएकोमा बधाइ दिँदै दाहाललाई सफल कार्यकालको कामना गरेका थिए।
नेपाल र बेलायतबीचको मैत्री सम्बन्धलाई नयाँ उचाइमा उठाउन आफू र आफ्नो नेतृत्वको सरकारले महत्वपूर्ण काम गर्ने भन्दै प्रधानमन्त्रीले एक आपसमा मिलेर काम गर्ने विचार समेत व्यक्त गरेको उनको सचिवालयले जारी गरेको प्रेस नोटमा उल्लेख छ। प्रधानमन्त्रीले बेलायत सरकार र बेलायती जनताको तर्फबाट प्राप्त भएको बधाईप्रति धन्यवाद दिएका थिए।
प्रकाशन मिति–२०७३ साल साउन २२ गते शनिवार ।