काठमाडौ। श्रीमान परदेशमा श्रीमती देवरसंगको मोजमस्तीमा दिनरात विताएपछि त्यसको परिणाम श्रीमती गर्भवती बन्नु र अवैध गर्भधारणवाट जन्मेको शिशुको हत्या हुनु नेपालमा हाल सामान्य जस्तो बन्न थालेको छ।
बैदेशिक रोजगारीले ल्याएको यो समस्या विहीवार पश्चिम नेपालको पर्वतमा पनि देखियो। राससका अनुसार,वैदेशिक रोजगारका सिलसिलामा श्रीमान् विदेश भएको मौका पारेर आफ्नै देवरसँग अवैध गर्भधारण गरी शिशुलाई जन्म दिएर हत्या गर्ने देवरभाउजू पुर्पक्षका लागि थुनामा परेका छन्।
पर्वतको लिमिठाना–८ की मीना क्षेत्री र विजयराज क्षेत्रीलाई पर्वत जिल्ला अदालतले पुर्पक्षका लागि थुनामा राख्ने आदेश दिएको हो। ३१ वर्षीया मीना क्षेत्री र विजयराज क्षेत्री एकाघरका देवरभाउजू हुन्। मीनाले श्रीमान् कुलबहादुर क्षेत्रीलाई ढाकछोप गरेर बच्चालाई जन्म दिई आफ्नै खेतमा खाल्डो खनेर गाडेको प्रहरी अनुसन्धानबाट खुलेको थियो।
थप अनुसन्धानका लागि पर्वत जिल्ला अदालतका न्यायाधीश मोहनराज भट्टराईको इजलासले आरोपित मीना क्षेत्री र विजयराज क्षेत्रीलाई पुर्पक्षका लागि थुनामा राख्ने आदेश दिएको हो। आरोपित मीनाका श्रीमान् कुलबहादुर क्षेत्रीले आफ्नै भाइ विजयराज र श्रीमती मीनाविरुद्ध पर्वत जिल्ला अदालतमा कर्तव्य ज्यान मुद्दाअन्तर्गत गत कात्तिक ४ गते किटानी जाहेरी दिएका थिए।
प्रकाशन मिति–२०७३ साल पुष १ गते शुक्रबार ।