काठमाडौं। नेपाल संवत ११३९ नयाँ बर्षको उपलक्ष्यमा नेवाःनखःज्याझ्वःसंपन्न भएको छ। काठमाडौंको ऐतिहासिक अनि पुरातत्विक महत्वको स्थल ठहिटी चोकमा नेवाःनखःज्याझ्व संपन्न भएको हो। ठहिटीको अत्यन्त पुरानो संस्था नेपाल मैत्री अध्ययन मण्डल पुस्तकालयको आयोजनामा ज्याझ्व कार्यक्रम संपन्न भएको हो।
स्थानीय बुद्धिजिवी देखि सवैखाले राजनीतिक पार्टीका व्यक्ति–विशेष तथा सामाजिक अभियन्ताहरुको पनि व्यापक सहभागिता रहेको शनिवारको ठहिटी चोकको कार्यक्रम अत्यन्त सफल भएको सवैको टिप्पणी रहेको देखियो। नेपाल संवत आन्दोलनका प्रणेता पदमरत्न तुलाधरको दुःखद निधनका कारण यो बर्षको नेपाल संवत अनुसारको नयाँ बर्ष ११३९ पहिला जस्तो तामझामका साथ मनाइएको थिएन।
