काठमाडौ। कालजयी गीतहरुका ख्यातिप्राप्त बरिष्ठ गायक तथा संगीतकार सूर्य थुलुङको विलकुलै नयाँ गीतको भिडियो निर्माण भएको छ। प्रदीप श्रेष्ठको निर्देशनमा गायक थुलुङको गीतको भिडियो निर्माण भएको हो।
पछिल्लो समयकी चर्चित नायिका अनु शाहका साथमा दुई कलाकार चन्द्र र जीतुको बेजोड अभिनय रहेको गीतको बोल मैले जस्तै माया गर्ने अर्को कोही पायो होला रहेको छ। यस गीतको रचना गीतकार डी शान्त गजुरेलले गरेका हुन्। स्वर तथा संगीत गायक सूर्य थुलुङको रहेको छ। संगीत संयोजन विपिन आचार्यले गरेका हुन्।
ललितपुरको भैसेपाटी लगायतका मनमोहक स्थानमा छायाँकन भएको गीतको भिडियोमा गीतको बोलअनुरुप कथा बुनिएको छ। जुन स्वभाविक भएको गायक थुलुङको ठहर रहेको छ।
सांगीतिक गायनको लामो यात्रापछि गायक थुलुङको ४० बर्षभन्दा लामो गायनको नयाँ उपलव्धिको रुपमा नयाँ गीत मैले जस्तै माया गर्ने कोही पायो होलाले लिइएको छ। यस गीतमा गायक थुलुङको उही मखमली स्वर तथा संगीतको झरिलो बहारले गीतलाई बेजोड बनाएको छ।
