नारायणगढ । चितवनले बर्षेनी नयाँ नयाँ सुन्दरीहरुलाई चिनाउने तथा प्रस्तुत गर्ने कार्य हुदैआएको छ। यसैक्रममा मिस व्युटी अफ चितवन नामक पछिल्लो व्युटी कन्टेस्ट भएको छ। जसमा मिस व्युटी अफ चितवनको ताज कृति चौधरीले जितेकी छन्।
भरतपुरमा रहेको ट्प वन मिडिया प्रा.लि.को आयोजनामा भएको ग्राण्ड फिनालेमा फस्ट रनर अप नविना कंडेल, सेकेन्ड रनर अप रस्मिता अधिकारी, अर्गनाईजर च्वाईस प्रतिक्षा अधिकारी, मिस कन्फिडेन्स प्रतिक्षा अधिकारी, मिस पपुलर कृति चौधरी, बेस्ट वक प्रतिक्षा अधिकारी, वेष्ट आईज खुशी सुनुवार, मोस्ट फोटोजेनिक कमला खत्री, वेस्ट फिगर कृति चौधरी, भ्युअर्स च्वाईस नविना कंडेल, मस्ट ट्यालेन्टेड सुस्मिता काफ्ले, मिस डिसिप्लेन सीता सापकोटा, वेस्ट स्माईल रस्मिता अधिकारी, वेष्ट पर्सनालिटी नविना कंडेलले जित्न सफल भएका छन्।
आयोजक ट्प वन मिडियाका प्रबन्ध–निर्देशक रब्स सापकोटाका अनुसार, फाईनल चरणको निर्णायकमा नायिका अनिता केसी, निर्माता बसन्त शर्मा, नायिका सोनी बिसी, रंगकर्मी रफि शाह रहेका थिए। त्यस्तैगरेर, कार्यक्रमको विषेश आर्कषणका रुपमा चलचित्र लेखक मौनता श्रेष्ठ, नायक दिवश धिताल, निर्माता निर्देशक राजु अधिकारी, निर्माता तुलसी आचार्य, चलचित्रकर्मी प्रदिप केडी र सागर ढुंगाना रहेका थिए।
अन्तिम चरणका लागि छनौट भएका प्रतियोगीहरुलाई एक महिना सम्म विशेष प्रशिक्षण प्रदान गरिएको थियो । जसमा नेपालका ख्याति प्राप्त कोरियोग्राफर, ट्रेनर बाट प्रतिस्पर्धिहरुलाई सञ्चार दक्षता, एमसिइ, पब्लिक स्पिकिङ, व्यक्तित्व विकासको कक्षा, आत्मविश्वास अभिवृद्धि गराउने कक्षा, मोटिभेसन क्लास तथा व्यक्तित्व विकास सम्बन्धि विषयमा प्रशिक्षण दिईएको थियो ।
विजेताहरुले थाईल्याण्ड टुर को प्याकेज सहित, विभिन्न आर्कषक पुरस्कार सहित राष्ट्रिय स्तरको प्रतियोगितामा सहभागि गराउने, चलचित्र, म्युजिक भिडियोको अवसर प्रदान गरिने भएको छ।
प्रकाशन मिति–२०७६ साल फागुन १३ गते मंगलवार ।