काठमाडौ। नेपाल चलचित्र कलाकार संघले पहिलो पल्ट आयोजना गरेको राष्ट्रिय फान अवार्ड कार्यक्रमराष्ट्रिय फान अवार्ड कार्यक्रममा बरिष्ठ रंगकर्मी तथा अभिनेता बयोबृद्ध हरिप्रसाद रिमाललाई नगद १ लाख सहित लाइफटाइम अचिभमेन्ट अवार्ड प्रदान गरिएको छ। नेपालका महानायक राजेश हमाल र नायिका रेखा थापालाई स्टार अफ द डिकेड अवार्ड प्रदान गरियो। नव प्रवेशी नायक अनमोल केसीलाई स्टार अफ द इअर प्रदान गरिएको छ।
चौविस विधामा प्रदान गरिएको फान अवार्डमा नम्रता श्रेष्ठ चलचित्र क्लासिकवाट सर्वोत्कृष्ट नायिका र चलचित्र क्लासिकवाटै आर्यन सिग्देल सर्वोत्कृष्ट नायक बन्न सफल बनेका छन्। सवोत्कृष्ट चलचित्रमा पशुपति प्रसाद र चलचित्र पशुपति प्रसादकै निर्देशक दीपेन्द्र के खनाल सर्वोत्कृष्ट निर्देशक बनेका छन्। प्रधानमन्त्री केपी शर्मा ओलीको प्रमुख आतिथ्यमा शनिवार आर्मी अफिसर्स भवनमा फान अवार्ड कार्यक्रम भएको थियो। फान अवार्ड पाउनेहरु यसप्रकार रहेका छन्–
१.उत्कृष्ट फिल्मः पशुपति प्रसाद
२.उत्कृष्ट नायकः आर्यन सिग्देल(क्लासिक)
३.उत्कृष्ट नायिकाः नम्रता श्रेष्ठ(क्लासिक)
४.उत्कृष्ट निर्देशकः दीपेन्द्र के खनाल(पशुपति प्रसाद)
५.उत्कृष्ट हाँस्य कलाकारः विल्सन विक्रम राई(अधकट्टी)
६.उत्कृष्ट खलपात्रः विपिन कार्की(पशुपति प्रसाद)
७.उत्कृष्ट सह-अभिनेताः जीतु नेपाल(वडा नम्बर ६)
८.उत्कृष्ट सह-अभिनेत्रीः रोमी घिमिरे(क्लासिक)
९.उत्कृष्ट नव-अभिनेत्रीः साम्राज्ञीराज्य लक्ष्मी शाह(ड्रिम्स)
१०.उत्कृष्ट नव-अभिनेताः पल शाह(नाई नभन्नु ल ४)
११.उत्कृष्ट चरित्र अभिनेताः रमेश वुढाथोकी(भाग् सानी भाग्)
१२.उत्कृष्ट चरित्र अभिनेत्रीः लक्ष्मी गिरी(प्रेमगीत)
१३.उत्कृष्ट नव-निर्देशकः भूवन केसी(ड्रिम्स)
१४.उत्कृष्ट छायांकारः संजय लामा र पुरुषोत्तम प्रधान(ड्रिम्स)
१५.उत्कृष्ट सम्पादनः सुरेन्द्र पौडेल(क्लासिक)
१६.उत्कृष्ट संगीतकारः राजनराज सिवाकोटी(वडा नम्बर ६)
१७.उत्कृष्ट गायकः यूवराज चौलागाई(क्लासिक)
१८.उत्कृष्ट गायिकाः अन्जु पन्त(प्रेमगीत)
१९.उत्कृष्ट गीतकारः डाक्टर कृष्णहरि बराल(प्रेमगीत)
२०.उत्कृष्ट द्धन्द्ध निर्देशकः हिमाल केसी(भैरव)
२१.उत्कृष्ट नृत्य निर्देशकः शंकर वीसी(वडा नम्बर ६)
२२.उत्कृष्ट संवादःदीपकराज गिरी(वडा नम्बर ६)
२३.उत्कृष्ट पटकथाः रामबाबु गुरुङ र उपेन्द्र सुब्बा(कबड्डी कबड्डी)
२४.उत्कृष्ट कथाः दीपेन्द्र के खनाल(पशुपति प्रसाद)
प्रकाशन मिति–२०७३ साल असार १९ गते आइतवार ।